Kjeks med sjokolade og peanøtter

125 g mjukt smør

2,5 dl sukker
2 egg
5 dl sikta kveitemjøl (gjerne fullkornskveite)
1 ts bakepulver
1 ts vaniljesukker
1/2 ts salt
3 ts kakao
0,5 dl vatn
100 g grovhakka sjokolade
3 dl grovhakka peanøtter

Visp smør og sukker kvitt. Rør i egga, eitt og eitt i gongen. Rør i mjøl, bakepulver, vaniljesukker, salt og kakao saman med vatnet. Ha til sist i sjokolade og peanøtter.

Bruk to teskeier til å setje passelege klumpar på eit steikebrett kledd med bakepapir. Det må vere god avstand mellom klumpane, så du må steike i to omgangar. Steik på 200 grader, midt i omnen, i 10-12 minutt. Avkjøl på rist og oppbevar i tett boks:

Nokre av kjeksa i denne boksen er mørkare enn andre fordi eg rørte ei god spiseskei Valrona kakao i den siste halvdelen av røra for å få endå meir sjokoladesmak. Om du lagar dei god tid i forvegen, er det best å fryse kjeksa.

Velbekomme!