måndag 8. mars 2010

Steikt ris med grønnsaker


Dette er super restemiddag. Om du blandar ein rest av ris med nokre grønnsaker, og har i litt krydder, så smakar alt nytt. Det liknar ikkje restemat i det heile tatt. Det er dessutan veldig passeleg mat til ein som skal ete åleine:

olje 
salt, sukker, peppar
2 ss soyasaus
1 ss østerssaus
kvitløk, chili
2 dl kokt ris
blanda grønnsaker (her er brukt paprika, sukkererter, babymais, vannkastanjar, purre)
1 egg

Bland saman soyasaus, østerssaus med litt salt, sukker og peppar. Set til side. Finhakk chili og kvitløk, og steik på medium varme i litt olje. Grovdel grønnsaker, og wok dei på høg varme. Det neste trikset har eg plukka opp frå Yngve Ekern si nok Tid for thai: Dytt grønnsakene over på eine side av panna. Visp saman egget, og ha det på den andre sida av panna, steik som eggerøre, og bland det så saman med grønnsakene. Ha i ris og saus, og steik eit par minutt til at er gjennomvarmt.   



Fort gjort, veldig godt og passeleg sunt på ein mandag. Ha ei god uke!

2 kommentarer:

  1. Dette var en schläger på kinarestauranten jeg jobbet på en gang i tiden også, det - men da i en mye enklere versjon: Ris, finstrimlet kinakål og egg, krydret med salt, pepper, sukker og (litt) soyasaus. Av og til litt andre grønnsaker, men ikke som oftest. Og så kunne man ha i litt kjøtt/reker/fisk for å tilføre smak.

    SvarSlett