På tide å komme ut av skapet? Eg liker ikkje taco. Eg et det, om det er det eg får å ete, men eg liker det ikkje. Strengt tatt så liker eg tortilla, nachochips, salat, rømme, guacamole, salsa...det er berre den der tacokrydra kjøttdeigen, den er verkeleg ikkje god. Men Tex Mex kan ein lage av gode ting også. Her er ein variant tilpassa den velkjente januaraktiviteten spiselittsunnereidetnyeåret:
Ha ein pakke chilibønner i ei gryte. Varm og smak til med litt meir tomat (hermetiske grovhakka er praktisk, men all slags tomat går sjølvsagt). Krydre med chili og kvitløk etter smak og salt og sukker. Ein pakke chilibønner er passe mengde til fire tortillalefser. Fordel fyllet på lefsene og pakk saman som wraps. Legg i ei smurt eldfast form, ha over litt salsasaus og topp med ost. Gratiner på 200 grader i om lag 10 minutt. Imens snittar du salat og legg i djupe skåler. Litt frisk tomat, guacamole og salsa er godt ved sida av. (Rømme er også godt, men...)
Dette er eit kjapt og sunt utgangspunkt som kan varierast i det uendelege. Tilset kylling eller kjøttdeig om du ikkje vil ha vegetarvarianten.
Dette er eit kjapt og sunt utgangspunkt som kan varierast i det uendelege. Tilset kylling eller kjøttdeig om du ikkje vil ha vegetarvarianten.
Velbekomme!
Ingen kommentarer:
Legg inn en kommentar