Eg er på jakt etter eit surdeigsbrød som er veldig grovt, men som likevel har konsistens meir som dei fine surdeigsbrøda. Eg vil at det skal sjå ut som dette samtidig som det er like sunt som dette. Det kjem vel til å ta si tid å finne eit slikt brød, men eg har byrja forsiktig eksperimentering. Schakenda sitt franske landbrød er eit utgangspunkt - med nokre grove framstøt:
6,5 dl vatn
600-650 g sikta kveitemjøl
100 g sikta rug
25 g sammalt rug, grov
50 g sammalt kveite, grov
10 g maltekstrakt
20 g lys surdeigsbase
10 g salt
10 g gjær
Eg rørte saman alle ingrediensane bortsett frå surdeig, gjær og salt, og lot det stå og kvile i 30 minutt. (Denne prosessen kallest autolyse og handlar om at gluten får utvikle seg medan deigen kvilar.) Så hadde eg i hevemiddel og salt, og elta i godt og vel eit kvarter på sakte fart, dei siste minutta litt raskare. Deigen fekk heve til dobbelt storleik.
Så rundreiv eg brøda. Eg har ikkje orka leite etter noko norsk namn på det; rundrive er det Pain de Martin kallar det når han bakar ut runde brød. Det er verdt strevet, for når du rundriv emnet, så får du eit rundt brød som hevar seg oppover og ikkje utover. Brøda fekk så heve om lag til dobbelt storleik, og så steikte eg dei omlag slik som Pain de Martin gjer: Nestnedst i omnen, ein skvett varmvatn i botnen, 275 grader, slå ned til 250 med ein gong, 15 minutt, 200 grader, 15-25 minutt til avhengig av storleik.
Brøda smakar godt, og dei hevar seg eventyrleg, og eg håpar her er stort rom for at dei kan gjerast atskillig grovare. Her er det om lag 1/4 grovt mjøl, medan ernæringsråda seier halvt om halvt med fint og grovt. Det skal då vere mogleg å få til det sjølv om brøda er seige og runde og har deilig skorpe? Vi får sjå korleis det går med neste eksperiment.
Tror jeg bare skal lene meg tilbake og la deg finne den ultimate oppskriften på grove surdeigsbrød, mens jeg kan pusle med kaker og søte gjærdeiger?
SvarSlettJeg har også bakt Schakendas franske landbrød og Svensken, med stort hell! Lykke til videre med surdeigsbaksten, spennende å følge med deg!
Trine ;)
Utrulig komisk at vi er på jakt etter samme brødet :-) Eg likte også Svensken, og det som du har lagt ut i dag, ser veldig godt ut - både på bilete og i oppskrift. Ein dag openbarer det perfekte grovbrødet seg, skal vi sjå. Lykke til :-))
SvarSlettDet ultimate grovbrødet er selvfølgelig et 100% fullkornsbrød. Når mattilsynes sier man bør spise minst 50 % fullkorn, så løser man det lett med å lage grov og fint annenhver gang ;-)
SvarSlettHehe, artig du Surdeig! Eg har bakt det grove som ligg på surdeig.no. Det vart godt, men litt lite steikt, så eg ristar det, og då blir det veldig godt!
SvarSlett...men eg er framleis ute etter eit surdeigsbrød som ein kan forme til eit rundt og lekkert brød med sprø og lekker skorpe og seig og lekker innmat. No offense, men det kan ein ikkje seie om formbrødet - sjølv om det er veeeeeldig sunt (og godt) ;-)